الرئيسية
أحدث الصور
التسجيل
دخول
قبل ما نتكلم عن نتيجة المباراة
تعالوا نشوف احنا كسبنا إيه
***
الهدف الرئيسي هو الاحتفال بمئوية الأهلي
***
المطلوب
أن يتناسب الاحتفال مع اسم الأهلي
مع تاريخ الأهلي
مع جماهيرية الأهلي
مع إنجازات الأهلي
***
الكل قال :
عايزين برشلونة وكنا فاقدين الأمل إن دا يحصل
***
إدارة الأهلي كانت على مستوى الحدث
وجابت برشلونة
العالم كله عرف إن الأهلي بيحتفل بمرور مائة عام على إنشائه
بسبب حضور أقوى أندية العالم
وأشهر لاعبي العالم
***
أكبر الفضائيات العربية كانت بنقل الاحتفال
قبل المباراة بساعات
بيتكلموا عن عظمة الأهلي
عن تاريخ الأهلي
عن إنجازات وبطولات الأهلي
عن قيم ومبادئ الأهلي
عن وفاء الأهلي وأبناء الأهلي
عن قصة الحب الجميلة بين منظومة الأهلي
إدارة
أجهزة فنية وإدارية
لاعبين
جماهير
جمعية عمومية
الإعلام الأهلاوي
دا غير محطات أسبانية وأجنبية
***
أجمل وأروع مافي الاحتفالية هو
إن العالم كله شاهد تكريم الأهلي لأبناؤه
الكل شاف لعيبة الأهلي القدامى من أول تيتو لغاية هادي
***
لفتة رائعة من إدارة الأهلي
الأهلي جمع أبناؤه كلهم
في مكان واحد
بزي واحد
وكرافتات بلون فانلة الأهلي عليها شعار الأهلي
والعالم كله بيتفرج
بيتعرف على الأهلي وقيم ومبادئ الأهلي
منظر ولا أجمل ولا أروع ولا أحلى
مشهد فجر مشاعر كل الأهلوية
تجمع عائلة الأهلي
تواصل الأجيال
صوت الجماهير زلزل الاستاد وهي بتحيي لعيبة الأهلي القدامى
دي تساوي كام
والله
قسما بالله
لو كان هو دا المكسب الوحيد من حضور برشلونة
يبقى كفاية قوي
كفاية المشهد دا علشان كل جماهير الأهلي
تفتخر بعظمة الأهلي
هو دا الأهلي يا مصر
مثال للوفاء والقيم والمبادئ
مثال للتراحم والمودة والاعتزاز بكل أبناء الأهلي
المخلصين
المحترمين
دا فرحة الناس الكبار دول
تساوي الدنيا وما فيها
***
حضور رئيس الجمهورية
أعطى للإحتفالية وزن وثقل كبير
واهتمام أكبر وأكبر
سواء في مصر أو خارج مصر
***
منظر الاستاد كان في منتهى الجمال
بصرف النظر عن نوعية الجمهور اللي هنختلف عليه
المهم الاستاد مكنش فيه مكان فاضي
***
أجمل مافي المباراة
هو احترام برشلونة للأهلي
كانوا بيلعبوا كلهم دفاع وكلهم بيلعبوا هجوم
فعلا احترموا نفسهم وتاريخهم
واحترموا لعيبة الأهلي
ولولا فردية وأنانية فلافيو وبعض اللعيبة اللي كانوا بيلعبوا لنفسهم
كان الوضع هيتغير
لو الأهلي كان جاب جون في الأول كان هيفرق كتير
كان لعيبة الأهلي هياخدوا ثقة في نفسهم وكانوا هيبقوا أحسن من كده بكتير
***
نتيجة المباراة مجرد جزء صغير جدا من الاحتفالية
لكن رغم قسوتها
مكسب كبير للنادي الأهلي
للنادي الأهلي
علشان اللعيبة تفوق وتعرف إمكانياتها
وتعرف حدودها
النتيجة كبيرة وصعبة فعلا
ولكن
دعونا ننظر للنصف الملئ من الكوب
ولا ننظر إلى النصف الفارغ فقط
***
وان شاء الله هنستفيد من النصف الفارغ
اللعيبة تحترم نفسها
ويبعدوا الغرور عن نفسهم
ويفوقوا
قبل دور التمانية
***
كمان جوزيه يجدد وهو ساكت
يمكن لو كنا فزنا كان هيطلب 100 ألف يورو
***
كمان إدارة الأهلي هي كمان
تحاول تصحح الأوضاع شوية وتجيب صفقات تحقق نتايج أحسن
وأكيد إدارة الأهلي استفادت من أخطاء التنظيم
وموضوع التذاكر
وكيفية التعاقد مع الشركات بعد كده
***
احنا كنا بنحتفل بمرور 100 سنة على إنشاء النادي الأهلي
والحمد لله
كان الاحتفال على مستوى الحدث
***
النتيجة رغم الخسارة
هتكون مكسب كبير فيما بعد
المهم اللي جاي
المهم بطولة أفريقيا واليابان
***
ألف مبروك يا أهلوية على الاحتفال الرائع
